Azərbaycanlı bəstəkar Hadisəyə qızıl boyunbağı bağışladı

Hadisə onun mahnısını məmnuniyyətlə oxuyacağını bildirib

Gənc bəstəkar Emil Şahin bu günlərdə Türkiyə səfərindən qayıdıb.
Musiqiçi orada «Eurovision-2009»un təmsilçisi Hadisə ilə yaradıcılıq görüşü keçirib. Görüşün uğurlu davam etdiyi dəqiqələrdə isə bəstəkar türkiyəli sənətçiyə bahalı boyunbağı hədiyyə edib: «Hadisə hədiyyəni görəndə, əvvəl çaşıb qaldı. Məndən belə bir jest gözləmirdi. Sonra təşəkkürünü bildirdi. Mənim onunla görüşməyimin məqsədi yeni bəstəm olan «Follow my way» adlı mahnımı ona təqdim etməyim idi».
Emil Şahin deyir ki, Hadisə onun mahnısını məmnuniyyətlə oxuyacağını bildirib. Hətta tərəflər kiçik musiqi əsərinə klip çəkilməsi ilə bağlı da danışıqlar aparıblar.
«Klip çəkilişlərinin Türkiyə və Azərbaycanda aparılması nəzərdə tutulub. Belə bir qənaətə gəlmişik ki, çəkilişdə Türkiyənin «Anadolu atəşi» adlı rəqs qrupu da iştirak etsin. Mahnının aranjeman işləriylə amerikalı musiqiçi Timbalandın məşğul olması nəzərdə tutulub» - deyən Emil Şahin Hadisənin Bakıya səfərinin yaxın həftələrdə reallaşacağını bildirdi. // Milli.Az