Polad Alemdar sevdiyi qadınlardan ayrılanda onları partladır

Necati Şaşmaz özəl həyatında baş verənləri bəzən filmin ssenarisində də əks etdirir

Reytinq rekordçusu “Kurtlar Vadisi Pusu” serialının Polad Alemdarı Necati Şaşmaz özəl həyatında baş verənləri bəzən filmin ssenarisində də əks etdirir. Qeyd edək ki, “Pusu”nun ilk seriyalarında Polad Alemdar birlikdə yaşadığı Nefise Karatayı filmdə Ahu Toros roluna çəkmiş, daha sonra Ahu Toros serialda baş vermiş partlayış nəticəsində həm filmdən, həm də Necati Şaşmazdan ayrılmışdı.
Partlayıcı qurğunun növbəti qurbanı isə Ebru Alemdar, yəni Xədicə Şendil oldu. Xatırladaq ki, “Kurtlar Vadisi Pusu” filminin mövsüm finalında Polad Alemdarın həyat yoldaşı Ebru İskəndərin adamları tərəfindən partlayıcı qurğu yerləşdirilən avtomobildə qətlə yetirildi. Beləliklə Şendilin filmdəki rolu da başa çatdı.
Necati Şaşmaz Xədicə Şendil cütlüyünün özəl həyatlarında ayrıldıqlarına dair xəbər isə daha əvvəl mətbuatda yayılmışdı. // ANS PRESS