Məşhur aktrisa heroin istifadə edir

Hollivudun ən cazibədar xanımlarından biri olan Ketrin Zeta Consun başı yenə də qalmaqaldadır. Onun başının dərdə girməsinə isə adi bir şəkil səbəb olub. 2 gün öncə özünün Nyu-Yorkdakı evindən çıxan müğənni paparatsilər tərəfindən yaxalanıb. Gözündə eynək olan məşhur aktrisanın burnunda ağ toz olub. Bu toza görə, jurnalistlər aktrisanı heroin istifadə etməkdə ittihamlayıblar.
Qeyd edək ki, son zamanlar karyerasında geriləmə olan oskar mükafatlı Ketrin Zeta Consun şəxsi həyatında da depressiya yaşadığı üzə çıxıb. Xatırladaq ki, məşhur aktrisanın son aylarda həddən artıq kökəldiyi, dərisində isə xoşagəlməz ləkələrin əmələ gəldiyi bildirilirdi. Onun da Ancelina Coli kimi sağalmaz xəstəliyə yoluxduğu vurğulanırdı. Lakin 2 həftə əvvəl dünyanın ən məşhur kişi jurnalları üçün çəkdirdiyi açıq şəkillərdə onun bədənində heç bir qüsurun olmadığı, əksinə, yaşına baxmayaraq aktrisanın özünü həddən artıq yaxşı saxladığı üzə çıxdı. // Həftə içi