Brilyant Dadaşova burnunu əməliyyat etdirəcək

"Profildən baxanda özümdən xoşum gəlmir"

O, burnundakı qüsuru aradan qaldırmaq istəyir. İdeal bədən quruluşuna malik olduğu idda edilən xalq artisti Brilyant Dadaşovanın plastik əməliyyata ehtiyacı var. Amma o, bu ehtiyacı bədənində deyil, üzündə görür. Bu barədə danışan sənətçi bildirdi ki, vaxt məhdudiyyəti səbəbindən əməliyyat işini yubadır.
«Vaxtım olsa, plastik əməliyyata bu dəqiqə gedərdim.  Bir ay heç bir verilişə çıxmasam, heç bir məclisdə iştirak etməsəm, bəlkə o zaman əməliyyat işini reallaşdıraram»- deyə sənətçi bildirdi.
Brilyant xanım plastik əməliyyatın hansı nahiyyələrdə aparılması ehtiyacını da açıqladı. Bildirdi ki, gözlərinin çəkik (badam göz) olmasını arzulayır. Eyni zamanda o, burnundakı xırda qüsuru aradan qaldırmaq istəyir.

«Burnumda sınıq var, onu düzəltdirmək istəyirəm. Profildən baxanda bu səbəbdən özümdən xoşum gəlmir» - deyən sənətçi bunun efirdə bir o qədər hiss edilmədiyini bildirdi. Eyni zamanda insanlarla ünisyyətdə də bu qüsurun rahat gözə çarpmadığını qeyd etdi.

Xalq artistindən plastik əməliyyatları kimə etibar edəcəyini soruşduqda, o, türkiyəli həkimlərə müraciət etmək fikrində olduğunu bildirdi. // milli.az