Zamiq şokdadır

Nigar Rəfiyeva evi tərk etdikdən sonra 3 aylıq körpəsini itirib

Müğənni Zamiqin ailəsinin dağılması hər kəsi təəssüfləndirib. ANS PRESS-in məlumatına görə, müğənni baş verənlərin şokundadır. Dünən tədbirlərin birində iştirak edən müğənni suallarla ona yaxınlaşan jurnalistlərə cavab verə bilməyib. Jurnalistlərin isti münasibətini və dərdinə şərik çıxdığını gördükdən sonra Zamiq tədbirin sonuna yaxın təkcə bir söz deyə bilib: "Hər şey Allahın əlindədir. Allah istəsə, bütün Yer üzünü yox edə bilər".
Müğənninin yaxınlarından aldığımız məlumata görə, Nigar Rəfibəyli artıq hamilə deyil. 3 aylıq hamilə olan Nigarın 15 gün bundan öncə evi tərk etdikdən sonra uşağını itirdiyi deyilir.
Xatırladaq ki, dünən müğənni Zamiqin altı ay bundan öncə ailə həyatı qurduğu Nigar Rəfiyeva ilə boşanması barədə məlumat yayılmışdı. N. Rəfiyevanın vəkili Firəngiz Bağırova bir ay bundan əvvəl ona müraciət olunduğunu bildirib: “Sənədləri yığıb toplamışıq, məhkəməyə müraciət etmişik. Nigar xanım bu məsələni nə qədər qısa müddətdə mümkündürsə, o qədər tez həll etmək istəyir”.
Vəkil boşanmanın səbəbini açıqlamayıb: “Səbəbini deyə bilmərəm. Bu, mənim səlahiyyətlərimə daxil deyil. Qanun buna yol vermir. Bircə onu deyə bilərəm ki, Nigar xanım “çox tez müddətdə yenidən Nigar Rəfiyeva olmaq istəyirəm. Mən ordan qaçmışam” deyib”.




Oxunub: 1149 dəfə.  Şərhlər: 0
Bu xəbərə fikir bildir və ya şərhlərə bax