Hadisə İlqar Qurbanov üçün oxuyacaq

Məhşur türk müğənnisi, "Eurovision-2009" mahnı müsabiqəsinin iştirakçısı Hadisə Azərbaycanın Türkiyədə oynayan futbolçusu İlqar Qurbanov üçün konsert verəcək. Fanat.az xəbər verir ki, "Mersin İdman Yurdu" klubunun rəhbərliyi avqustun 8-də təşkil olunacaq mövsümün açılış matçından - Suriya yığması ilə qarşılaşmadan sonra konsert təşkil edəcək. Klubun yaranmasının 85 illiyinə təsadüf edəcək konsertdə Hadisə oxuyacaq.
"Mersin İdman Yurdu" həmin gün bir sıra tədbirlər həyata keçirəcək. Belə ki, Bakı vaxtı saat 18.00-da İlqar Qurbanov və komanda yoldaşları, habelə texniki heyət azarkeşlərə təqdim olunacaq. Saat 19.00-da Suriya millisi ilə oyun başlayacaq və matçın fasiləsində Pelin Özer 15 dəqiqəlik konsert proqramı ilə çıxış edəcək. Saat 22.00-da isə Hadisə səhnəyə çıxacaq. Konsert bitəndən sonra isə havaypa 2000 fişəng atılacaq.