Rəhim Rəhimli xəstəliyə tutulub

"Çəkilirəm evin bir küncünə, heç telefona da cavab vermirəm"

Azərbaycanın məşhur müğənnilərindən biri, bəstəkar və aparıcı Rəhim Rəhimli yamanca nasazlayıb. Müğənnin verdiyi məlumata görə, onun xəstələnməsinə səbəb bu yaxınlarda iştirak etdiyi toy mərasimi olub. Yerli restoranların birində masa arxasında əyləşən müğənni çoxlu soyuq içkilər qəbul edib və dayanmadan rəqs edib. Üstəlik müğənnin əyləşdiyi masa kondisionerə yaxın olub: “Neçə gündür soyuqlamışam. Toyda içəridə hava soyuq idi mən də çoxlu oynadım. İndi qripə doğru gedirəm. Yamanca soyuqlamışam. Möhkəm öskürürəm. Çəkilirəm evin bir küncünə. Heç telefona da cavab vermirəm”.
Müğənnin sözlərinə görə, keçirdiyi soyuqdəymə ona jurnalistlərlə ünsiyyətlə olmağa mane olur: “Tutulduğum qripə görə, bir neçə müsahibəm yarımçıq qalıb. Güman edirəm ki, jurnalistlər məndən inciməzlər. Allah qoysa, bir az özümə qəlib, söz verdiyim jurnalistlərlə görüşüb, istədikləri müsahibəni verəcəyəm”.
Onu da qeyd edək ki, müğənni həmçinin yamanca qaralıb. Bu il bir çox çimərliklərə baş çəkən Rəhimin dərisinin rəngindən əsər-əlamət qalmayıb. //SİA